三千年后 - 李香琴

词：林夕

曲：陈辉阳

编曲：陈辉阳

你知道我系边个嫁

不过你唔记得左之

我记得你

你总系笑瞇瞇甘望住我

你唔讲嘢 净系听我讲嘢

嗰阵时个世界好安静

无而家咁嘈

衬得我特别吱喳特别开心

我记得你只手

扫过我背脊既感觉

我记得同你去睇影画戏

你会系响我耳仔边讲嘢

你讲得好细声

其实我一啲都听唔清楚

不过

我好钟意听你甘样同我讲嘢

以后再无人甘样同过我讲嘢

我记得你好钟意睇日落

睇完日落 就去听音乐会

我地又成日散步去食宵夜

个阵唔知点解

周不时分唔清究竟系星期几

日子好似唔会过去

时间都好似系停左落黎

然后 忽然间

就发觉原来已经过左好多年

我记得 好痛

因为你话俾我知你要走

我无再睇过日落

亦都无再同人食宵夜

原来 难过既日子

一样系好似唔会过去

然后 又系一眨眼

至发觉已经过左好多年

我记得

你同我去过嘅每一个地方

我唔会再去

个啲茶座 舞厅同花园

而家系点 我唔知

个啲地方通通留喺我心里面

不过 我知道 你唔记得左嘞

唔紧要 我一个人记住就得啦

我唔会讲我老喇

我只系会讲

我喺度太耐

时间耐咗

难免知道人

总会慢慢咁将过去淡忘

又会睇住啲嘢

无声无息咁样消失

我点解要走

怪我自己啦

我先两日 唔知谂紧乜嘢

无端端走咗去睇日落

个日落就同我记得

陪住你睇既嗰个一样

不过

就算我点样装出若无其事

我都无办法唔承认

我失去嘅嘢实在太多

我要走喇

如果你记得返我系边个

我知道

你一定会好唔舍得我

仲会好挂住我

再见